Sundariya

Хайр гэдэг эд ангитайсан бол
Хэзээд засаж чадах сантехнигч болтлоо би дурласан
Хонгор чамайгаа олноос олох гэж
Хорвоод хосгүй геологич болтлоо чамд би дурласан
Туг сүлд шиг жанжин чиний
Тушаал бүхнийг биелүүлдэг цэрэг болтлоо дурласан
Түгжээтэй зүрхний чинь оньсыг тайлах гэж
Түлхүүр тааруулах хулгайч болтлоо дурласан
Өчүүхэн төдий ч хир халдааж чадахгүй юм болохоор
Өөдгүй бүхнийг чинь өөртөө нялзааж чөтгөр болтлоо дурласан
Бүрэг номхон зангаа чиний л өмнө гээчихээд
Бүхнийг бүтээж чадах бурхан болтлоо дурласан
Дурласан би дурласан...